जीवनसाथी

जीवनात कोणीतरी हक्काचा असावा
वेळप्रसंगी सावधान करणारा असावा
चुकले कधी कोणीही
मोठ्या मनाने माफ करणारा असावा

आयुष्याच्या प्रत्येक वळणावर
तो माझ्या सोबत असावा
काटे रुतले तरीही फुल समजून
त्यावर चालणारा असावा

माझ्या सुखात स्वतःचे सुख
मानणारा असावा
दुखाःतही तोच डोळे
पुसणारा असावा

जीवनात कोणीतरी
रंग भरणारा असावा
मी कोरा कागद तर
तो चित्रकार असावा

अशा व्यक्तीची मी वाट पाहते
तोच माझा जीवनसाथी असावा
संपूर्ण आयुष्यात तो सोबत असावा
मी कविता तर तो माझा कवी असावा .