सुख दुख:

दुख:च्या घरी एकदा
जमली होती पार्टी
दारू बिरू पिऊन
झिंगली होती कार्टी

दुख: म्हणाले 'दोस्तांनो'
बिलकुल लाजू नका
इतके दिवस छळंल म्हणून
राग माणू नका !

मनात खूप साठलं आहे
काहीच सुचत नाही
माझी स्टोरी सांगितल्याशिवाय
आता राहवत नाही

मी आणि सुख दोघे
जुळे भाऊ होतो,
पाच वर्षाचे होतो तेव्हा
जत्रेत गेलो होतो,

गर्दी अशी जमली
नी गोंधळ असा उठला,
माणसांच्या गर्दीत
सुखाचा हात सुटला,

तेंव्हा पासून फिरतोय
शोधत दुनियेच्या जत्रेत,
दिसतोय का 'सुख' माझा
कुणाच्याही नजरेत,

सुखा बरोबरचे लहानपणीचे
क्षण त्याला स्मरले
आणि सुखाच्या आठवणीने
दुख: ढसाढसा रडले,

नशा सगळ्यांची उतरली
दुखा:कडे पाहून ,
दुख:लाही सुख मिळावे
वाटले राहून राहून !

सुखाच्या शोधामध्ये आता
मी सुध्दा फिरतोय,
दुखा:ला शांत करायचा
खूप प्रयत्न करतोय .....

जीवनाच्या रथाचे आहेत
सुख दुख: सारथी
सुख मिळाले तर
दुखाच्या घरी मीच देईन पार्टी .....!!!.