भाऊभेट

कसा विसावला भाऊ बहिणीच्या अंगणात

दारी वृंदावनापासीं चमेलीच्या मांडवात 

संसाराच्या रगाड्यात होतो भेटाया उशीर 

होतं हरीण काळीज गुज बोलाया अधीर 

किती बोलू किती नको काय सांगू काय ठीऊ 

गुज बोलू खंडीभर रहा मुक्कामाला भाऊ 

कवडशांच्या डोळ्यांनी डोकवाया भाऊभेट 

सूर्य धावत धावत आला माथ्यावर थेट 

बहिणीच्या पायावर भाऊ टेकवितो माथा 

शब्द देतो शब्द घेतो भेटू दिवाळीला आता